Кипарското министерство за надворешни работи денеска соопшти дека Турција љубезно ја одбила нејзината понуда да испрати спасувачки тим за да помогне во потрагата по луѓето затрупани во урнатите згради по разорниот земјотрес што во понеделникот ги погоди Турција и Сирија.

Министерството за надворешни работи на Кипар на Твитер соопшти дека понудата, која првично беше прифатена, сè уште стои и изрази благодарност до професионалните спасувачи кои се подготвени да спасат животи насекаде, пренесе АП.

Кипарски спасувачки тим од 15 членови, како и лекар и медицински техничар, од средата се во подготвеност за да отпатуваат за Турција како дел од Механизмот за цивилна заштита на Европската унија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.