Стотици луѓе беа приведени синоќа кога полицијата разби голема демонстрација на претежно еврејски њујорчани кои ја блокираа метро станицата Гранд Централ во знак на протест против израелското бомбардирање на Газа, соопштија полицијата и организаторите.

Њујоршката полиција соопшти дека најмалку 200 лица се приведени, додека организаторите на протестите рекле дека бројката е повеќе од 300.

Фотографиите од местото на настанот покажаа долги редови млади луѓе кои стојат со лисици и облечени во црни дуксери со натписот „Не во наше име“ и „Прекин го огнот сега“.

Протестот го свикаа од групацијата Еврејски глас за мир-Њујорк, која рече дека илјадници нејзини членови присуствувале на протестот, блокирајќи го главниот влез на централната метро станица во градот.

Организаторите ја нарекоа мирната демонстрација „најголемата граѓанска непослушност што Њујорк ја видел во последните 20 години“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.