Северна Кореја денеска истрела неколку крстосувачки ракети во правец на Жолтото Море, објави јужнокорејската новинска агенција Јонхап.

Началникот на здружениот штаб на Јужна Кореја во Сеул соопшти дека и понатаму се во состојба на готовност и внимателно ги следат активностите на Северна Кореја.

Јужна Кореја и САД вчера ги завршија големите годишни воени маневри во регионот.

Пјонгјанг редовно ги обвинува САД и Јужна Кореја дека спроведуваат воени вежби како подготовка за напад, нешто што и двете земји го негираат.

По серијата ракетни тестови минатата година, Северна Кореја повторно изврши повеќекратни тестирања на ракети и крстосувачки ракети оваа година.

Резолуциите на ОН и забрануваат на изолираната Северна Кореја да лансира и тестира балистички ракети од кој било дострел.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.