Најмалку едно лице загина, а осум се затрупани под урнатините на хотел во западна Германија, соопшти денеска локалната полиција.

Се верува дека 14 лица биле во хотел покрај реката Мозел кога еден кат од хотелот се урнал синоќа околу 23 часот, пренесе АП.

„Меѓу исчезнатите има и дете. Во моментов, сепак, мирно спие и контактираме со родителите“, изјавил за Билд портпаролот на полицијата.

Досега итната медицинска помош констатирала смрт на едно лице, но не успеале да го извлечат телото.

Лекарите биле во контакт со уште осум лица кои останале заробени во хотелот, од кои некои се тешко повредени, додава полицијата.

Полицијата евакуирала 31 лице од околината на оштетената зграда, а се уште не е познато што го предизвикало уривањето.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.