Руските војници заплениле оружје и муниција на НАТО, како и сателитски терминали Старлинк во хемиската фабрика Авдеевка, се вели во новото видео објавено од Министерството за одбрана на Русија во саботата, пишува Russia Today.

Официјални лица во Москва рекоа дека хардверот го пронашле руски напаѓачки групи кои влегле во фабриката за кокс и хемиски производи Авдеевка, најголемата постројка од ваков вид во Европа, која стана основа на офанзивата на Украина во областа од избувнувањето на конфликтот во февруари 2022 година.

Министерството соопшти дека руските јуришни тимови откриле напуштени контролни станици за беспилотни летала со терминали Старлинк, десетици НАТО фрлачи на противтенковски гранати, муниција, рачни гранати, автоматско оружје и суви оброци.

„Сето ова го оставија украинските војници додека во паника бегаа од фабриката под налетот на руските војници“, се наведува во соопштението.

На видеото објавено од министерството се гледаат руски војници како поминуваат низ тешко оштетена хемиска фабрика.

Украина ги користи интернет терминалите Старлинк направени од Спејс Икс на Илон Маск од почетокот на конфликтот и за цивилни и за воени цели, вклучително и одржување на комуникациите меѓу единиците и насочување на беспилотни летала и артилериски оган.

Меѓутоа, во септември Маск го навлече гневот во Киев откако го одби барањето да го користи Старлинк за да го олесни нападот врз руската флота на полуостровот Крим, објаснувајќи дека не сака Спејс Икс да биде соучесник.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.