Борбите за најголемата нуклеарна електрана во Украина, лоцирана во град Енерходар, се уште траат.

Градоначалникот на Енерходар Дмитро Орлов, каде се наоѓа најголемата нуклеарната централа, изјави дека руските сили се на работ од градот и дека украинските сили се борат да го одбранат.

Ова електрана е главен снабдувач со електрична енергија во јужниот дел на земјата и задоволува околу една четвртина од потребите на Украина.

Во меѓувреме, и украинските и западните медиуми, јавуваат дека во повеќе делови на Украина се водат борби.

Попладнево во Киев се огласија сирените за опасност, а властите ги повикаа граѓаните да се засолнат. Во главниот град на Украина, на повоќе места се слушаат експлозии.

Бројот на жртви при рускиот воздушен напад врз украинскиот град Чернив се искачи на 22 лица. аа/



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.