Комисијата за надворешна политика на турскиот парламент денеска го одложи гласањето за влез на Шведска во НАТО. Претседателот на Комисијата Фуат Октај рече дека одборот, кој е контролиран од владејачката партија АКП на турскиот претседател Таип Ердоган, дополнително ќе разговара за ова прашање и ќе го стави предлог-законот повторно на дневен ред следната недела, но не одреди точен датум.

Со цел сите претставници да го одобрат членството на Шведска во НАТО, сите мора да бидат целосно убедени. Сето ова ќе разговараме на нашиот следен состанок“, изјави тој за новинарите по неколкучасовна дискусија.

Комисијата може да го одобри предлог-законот со просто мнозинство. Тој може да го повика шведскиот амбасадор да ги информира пратениците доколку смета дека е потребно и ако правилата го дозволуваат тоа, рече тој.

Ердоган овој месец рече дека ќе се обиде да го олесни процесот на ратификација, но додаде и дека Шведска не направила доволно против курдските милитанти на нејзина територија. Предлог-законот прво треба да биде одобрен од комисијата, а потоа да биде изгласан од парламентот. Ердоган тогаш ќе го потпише.

Шведска и Финска аплицираа за влез во НАТО минатиот мај по руската инвазија на Украина. Тогаш Ердоган се спротивстави на ова, тврдејќи дека тие земји ги штитат луѓето кои Турција ги смета за терористи и затоа што имаат ембарго за извоз на оружје во Турција.

Турција го одобри влезот на Финска во НАТО во април.

Го ценам проширувањето на НАТО. Но, мораме да отстраниме некои контроверзии во нашите умови. Шведска стана рај за некои терористички организации“, рече претставникот на АКП, Али Шахин.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.