Соединетите Американски Држави се втората земја во светот, по Сингапур, која дозволи продажба на месо одгледано во лабораторија.

Две компании, Upside Foods и Good Meat, соопштија дека добиле конечно одобрение од американското Министерство за земјоделство за продажба на месо одгледано во лабораторија, што го отвора патот за првата продажба на производот во земјата.

Ова се првите компании кои го завршија процесот на одобрување за таканареченото култивирано месо, кое се добива од примерок од клетки од добиток кои потоа се хранат и одгледуваат во челични буриња. Управата за храна и лекови (ФДА) веќе утврдила дека храната е безбедна за консумирање.

„Ова одобрување суштински ќе го промени начинот на кој месото доаѓа на нашата трпеза“, рече Ума Валети, извршен директор и основач на Upside Foods.

„Тоа е огромен чекор напред кон поодржлива иднина – онаа што го зачувува изборот и животот.“



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.