Портпаролот на Кремљ Дмитриј Песков денеска не ја исклучи можноста рускиот претседател Владимир Путин да разговара со новоизбраниот американски претседател Доналд Трамп пред неговата инаугурација во јануари.

Тоа не е исклучено, изјави Песков, пренесен од руските медиуми.

Претходно денеска Песков ги демантираше медиумските информации дека рускиотр претседател неформално, „преку познаници“ му ја честитал победата на Трамп.

Тоа се неверодостојни информации, рече тој.

Инаугурацијата на американскиот претседател ќе се одржи на 20 јануари следната година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.