Пекинг е против каква било официјална соработка, особено воена соработка меѓу САД и Тајван

Според написите, изјавите од кинеската канцеларија за работи со Тајван укажуваат на ново влошување на односите меѓу Пекинг и Вашингтон во однос на Тајван, поради наводите за шпионажа, но сè повеќе и во врска со руската инвазија на Украина.

Запрашан за посетата на Мајкл Чејс, американскиот заменик-помошник секретар за одбрана, на Тајван, портпаролот на кинеската канцеларија, Жу Фенглиан, рече дека Пекинг е „одлучно против каква било официјална соработка, особено воената соработка меѓу САД и Тајван.

Напорите на владејачката Демократска напредна партија во Тајван да ја зајакне независноста на островот со странска помош се „осудени на неуспех“, изјави Жу за новинарите.

Кина го смета Тајван за дел од својата територија што треба да биде ставена под нејзина контрола, доколку е потребно со сила. Пекинг, во овој поглед, го зголемува своето воено и дипломатско присуство на островот. Двете страни се разделија во граѓанска војна во 1949 година, а Кинеската комунистичка партија оттогаш не го контролира Тајван.

Портпаролот на Пентагон директно не ги коментираше извештаите за посетата на Чејс, повторувајќи дека посветеноста на САД кон Тајван е цврста и придонесува за одржување на мирот и стабилноста во Тајванскиот теснец и во регионот. Тајванското Министерство за надворешни работи соопшти дека „нема информации“ за таква посета.

Тензиите меѓу САД и Кина се зголемија минатиот месец кога Вашингтон го обвини Пекинг дека испратил шпионски балон и го соборил над источниот брег на САД.

Американскиот државен секретар Ентони Блинкен ја откажа посетата на Пекинг по инцидентот и викендов изјави дека САД се загрижени дека Кина би можела да и достави оружје на Русија за војната во Украина. Кина ги отфрли наводите на Блинкен за плановите за испраќање оружје во Русија.