Италија ќе ги олесни ограничувањата воведени поради коронавирусот за сите посетители од земјите на Европската унија од 1 февруари, соопшти Министерството за здравство.

Министерот за здравство Роберто Сперанза потпиша наредба според која на патниците од земјите на ЕУ ќе им треба само т.н зелена пропусница. Зелената пропусница потврдува вакцинација против Ковид-19, прележана болест или негативен тест.

Според министерството, наредбата на Сперанза исто така ја обновува можноста за патување до голем број неевропски туристички дестинации, вклучително и шест други дестинации: Куба, Сингапур, Турција, Тајланд (ограничено на Пукет), Оман и Француска Полинезија.

Италија вчера пријави 167.206 инфекции со коронавирус и 426 смртни случаи. Еден ден претходно беа пријавени 186.740 инфекции, а 468 починаа.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.