Новиот премиер на Нов Зеланд, лидерот на лабуристите Крис Хипкинс денеска положи заклетва по оставката на премиерката Џасинда Ардерн минатата недела.

Лабуристичката партија избра поранешен министер за полиција и за борба против Ковид да ја води партијата и државата.

Хипкинс (44) одржа прес-конференција по првиот состанок на неговиот кабинет. Toj рече дека централниот дел од неговата политичка агенда ќе биде насочен кон ограничување на инфлацијата.

Познат како „Чипи“, Хипкинс е добро познат на Новозеланѓаните по неговата компетентност во борбата против короната, иако призна некои грешки и се соочува со тешка битка да ја задржи власта на општите избори во октомври, објави „Ројтерс“.

Ардерн (42) поднесе оставка минатата недела, наведувајќи дека повеќе нема енергија да ја води земјата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.