Украинскиот суд му одреди двомесечен притвор на тајкунот Ихор Коломојски поради сомневање за измама и перење пари, што е ненадеен потег против еден од најмоќните украински олигарси.

Притворот на Коломојски, кој е под американски санкции и кој го поддржа претседателот Володимир Зеленски на изборите во 2019 година, доаѓа во време кога Киев сака да докаже дека се бори против корупцијата дури и во време на војна.

Украинската служба за безбедност (СБУ) го обвини олигархот Ихор Коломојски, кој беше цел на американските санкции во последните три години, за корупција и перење пари.

„Утврдено е дека од 2013 до 2020 година, Коломојски легализирал половина милијарда гривни (14 милиони американски долари) со нивно исфрлање во странство користејќи ја инфраструктурата на банките под негова контрола“, соопшти SBU.

Коломојски претходно ги негирал сите обвинувања против него.

Тој претприемач, цел на американските санкции почнувајќи од 2021 година, се смета за еден од олигарсите кои по распадот на СССР во 1991 година натрупале огромно индустриско богатство, притоа добивајќи исклучително политичко и економско влијание.

Во предвечерието на војната, Зеленски реши да му ги скрати крилјата со закон кој барал да се регистрира и да не се меша во политиката. Војната ја оштети нивната моќ бидејќи профитабилните индустриски комплекси беа тешко оштетени на југот и на истокот на земјата, а нивните телевизиски канали се емитуваат преку централизиран сигнал.

Зеленски негира дека Коломојски имал какво било влијание врз владата. Двајца пратеници, Јарослав Железњак и Ирина Герашченко, сметаат дека нападот врз Коломојски има за цел да создаде позитивен публицитет меѓу западните земји кои ѝ помагаат на Украина во војната против Русија.

„Западните влади нема да пумпаат пари во обновата на земјата ако веруваат дека тоа само ќе ги наполни џебовите на олигарсите“, напишаа Железњак и Герашченко на Телеграм. Киев исто така аплицираше за членство во ЕУ, а Зеленски сака да обезбеди десетици милијарди долари за обнова на земјата, објави Политико.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.