Портпаролот на Кремљ, Дмитриј Песков, изјави дека рускиот претседател Владимир Путин се уште не кажал дали повторно ќе се кандидира на претседателските избори, закажани за 2024 година.

Путин не е расположен за кампања, бидејќи во моментов е многу зафатен, изјави Песков за московскиот весник „Известија“ во денеска објавен коментар.

Се уште не сме слушнале да каже ништо за тоа дали ќе се кандидира за функцијата или не. Тоа значи дека се уште е прерано, рече портпаролот на Кремљ.

Путин беше претседател на Русија од 2000 до 2008 година и од 2012 година.

Поради амандманите на рускиот Устав, законски ќе му биде дозволено повторно да се кандидира за претседател следната година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.