Најдобар пат кон траен мир е зголемување на помошта за Украина, изјави денеска генералниот секретар на НАТО Јенс Столтенберг, по средбата со летонската премиерка Евика Силинија во седиштето на Алијансата во Брисел.

Столтенберг го поздрави придонесот на сојузниците во одбраната на Украина и го истакна почетокот на испораката на тенковите Абрамс од САД. Според него, украинската контраофанзива постигнала траен напредок, а на некои места се преминати и руските одбранбени линии.

– Не гледаме знаци дека (рускиот претседател Владимир) Путин ги променил своите цели. Војната што ја води Русија е најголемата закана за нашата безбедност во последните децении, резимира Столтенберг.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.