Кинеското Министерство за надворешни работи го повика генералниот директор на Светската здравствена организација (СЗО), Тедрос Аданом Гебрејсус, да избегнува „неодговорни“ забелешки.

Портпаролот на Министерството Џао Лиџијан реагираше поради изјавата на Тедрос, кој рече дека кинеската политика на нулта толеранција кон Ковид-19, не е одржлива.

Портпаролот на редовната конфереција за новинари ги бранеше кинеските мерки во борбата против пандемијата од коронавирусот. Тој додаде оти Кина се надева дека генералниот директор на СЗО може објективно да ја набљудува кинеската политика во борба против вирусот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.