Заканата од недостиг на гас ќе надвисне над Германија во следните две зими, изјави денеска директорот на германската Федерална агенција за енергетска мрежа Клаус Милер.

Тој рече дека дури и ако Русија престане да ја снабдува Германија со природен гас, други земји како Норвешка, Холандија и Белгија би можеле да помогнат да се надомести недостатокот.

„Веројатно ќе мора да живееме со заканата дека ќе останеме без гориво две зими“, рече Милер во интервју за Билд ам Зонтаг.

Апелирајќи на луѓето да не паничат, Милер рече дека Германија во моментов нема доволно складирано гас за да ја преживее претстојната зима без руски резерви, додавајќи дека многу зависи од тоа дали гасоводот „Северен поток 1“ повторно ќе почне да пропушта гас по завршувањето на работите за одржување.

Рускиот енергетски гигант Газпром во четвртокот наведе дека не може да гарантира дека клучната турбина што се поправа во Канада ќе биде доволна за рестартирање на „Северен поток 1“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.