Советник на украинскиот министер за одбрана, Маркијан Лубкиевски, изјави за Си-Ен-Ен дека озлогласената руска воена група „Вагнер“ била вмешана во наводен заговор за атентат врз украинскиот претседател Володимир Зеленски и премиерот Денис Шмихал.

Тие сакаа да го убијат украинското раководство: нашиот претседател и премиер. Тоа беше целта и неколку од нив беа испратени во Украина без никаков успех, рече Лубкивски, додавајќи дека заговорот го потврдиле украинската разузнавачка служба и специјалните сили задолжени за заштита на Зеленски.

Сите овие документи и потребни докази ќе бидат презентирани пред Трибуналот, кажа тој, додавајќи дека не може да открие повеќе од оперативни причини.

Си-Ен-Ен не може независно да ги потврди овие тврдења.

Групата „Вагнер“ прпат се појави во јавноста за време на руската инвазија на источна Украина во 2014 година. Оттогаш, независните истражувања и истраги на Си-Ен-Ен открија дека приватната воена група дејствувала во Сирија и во неколку земји во Африка. Американските власти и претставниците на човековите права ги обвинија за континуирано кршење на човековите права.

Се верува дека групата е поврзана со Евгениј Пригожин, олигарх близок до Кремљ, што е попознат како „готвачот“ на Путин. Кремљ постојано негира какви било врски со групата.

Лубкивски вели дека украинските разузнавачи ја следеле групата внатре и надвор од Украина и дека неколку оперативци на „Вагнер“ се убиени во Украина. Тие се препознаваат по нивните единствени знаци за идентификација.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.