Патниците од сите земји наскоро ќе можат да влезат во Швајцарија без почитување на какви и да се правила за Ковид-19. Почнувајќи од 2 мај, на сите патници, без оглед од која земја доаѓаат, ќе им биде дозволен влез во Швајцарија без ограничувања.

Ограничувањата за влез кои сега се на сила ќе бидат укинати на 2 мај. Од тој датум ќе важат вообичаените правила за влез во Швајцарија, се наведува во соопштението на Државниот секретаријат за миграции.

Во моментот од сите патници се бара да поседуваат важечки сертификати за вакцинација или заздравеност од Ковид-19 за да им се дозволи влез во Швајцарија без ограничување.

Но, штом новите правила почнат да важат, патниците повеќе нема да мора да поседуваат важечки сертификати за вакцинација или заздравување.

Швајцарските власти објаснија дека од 2 мај патниците ќе мора да почитуваат друг правила, како поседување важечки пасош или виза, само ако таквото барање се однесува на нив.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.