Околу 117 влади на климатскиот самит КОП28 во Дубаи денеска ветија тројно зголемување на капацитетот за обновлива енергија во светот до 2030 година, во обид да се намали уделот на фосилните горива во глобалното производство на енергија.

Оваа мерка е само една од низата објавени за време на денешниот самит чија цел е да го декарбонизира енергетскиот сектор, кој во моментов испушта околу три четвртини од глобално испуштениете стакленички гасови.

Новите мерки вклучуваат предложено проширување на секторот за нуклеарна енергија, намалување на емисиите на метан и сузбивање на приватното финансирање на енергијата на јаглен.

Ова може и ќе придонесе светот да се оддалечи од употребата на јаглен, рече претседателот на KOP28, Султан ал-Џабер од ОАЕ.

Предводени од Европската Унија, САД и ОАЕ, учесниците ветија дека ќе ги исфрлат фосилните горива што емитуваат јаглерод диоксид од светскиот енергетски систем најдоцна до 2050 година.

Меѓу земјите кои денеска ги поддржаа овие мерки беа Бразил, Нигерија, Австралија, Јапонија, Канада, Чиле и Барбадос.

Кина и Индија ја поддржаа иницијативата за тројно зголемување на обновливите извори на енергија до 2030 година, но ниту една од овие две земји не ги поддржа сите мерки предложени денеска.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.