Генералот Валериј Залужни, врховен командант на украинските вооружени сили, соопшти дека во текот на минатата година армијата на земјата успеала да врати четириесет отсто од териториите окупирани по почетокот на рускиот напад врз Украина.

Oколу 28 отсто од сите територии што ги држат руските сили од 2014 година се вратени назад, напиша Залужни на Телеграм, пренесува Си-Ен-Ен.

Тој посочи и дека сегашната линија на фронтот е долга 1.500 километри, а украинските вооружени сили поминале воена обука на територијата на 17 европски земји.

Благодарение на меѓународните партнери, обучивме повеќе од 20.000 војници. Во 2022 година беа евакуирани повеќе од 600.000 луѓе и испорачана е повеќе од два милиони тони хуманитарна помош, додаде Залужни.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.