Канада ќе исплати 40 милијарди канадски долари (28 милијарди евра) отштета за домородните деца кои биле насила одземени од нивните семејства и ставени во системот на социјална помош.

Договорот прредвидува 20 милијарди канадски долари (еден канадски долар чини 42,8 денари) за потенцијално стотиците илјади домородни деца кои биле одземени од семејства и немале пристап или имале проблеми да пристапат до јавните услуги.

Дополнителни 20 милијарди канадски долари се наменети за реформи за социјалната заштита во следните пет години.

Договорот за компензација е постигнат речиси 15 години откако Здружението на канадски староседелци поднесе тужба поради кршење на човековите права.

Десетина цркви во Канада вандализирани како одмазда за злосторствата врз деца од домородното населние

Канада призна дека нејзиниот систем е дискриминаторски, но постојано одбива да плати компензација и да ги финансира реформите.

Ова е најголем финансиски договор од ваков вид во канадската историја, а конечниот договор мора да биде финализиран до 31 март оваа година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.