Рамзан Кадиров, чеченскиот лидер и верен сојузник на Владимир Путин, објави дека ги испраќа своите три малолетни синови во војната во Украина. Посочува дека имаат 14, 15 и 16 години, но дека нивната воена обука почнала одамна, уште од мали нозе.

Не е доволно само да знаеш да пукаш. Тие знаат како да ракуваат со различни оружја, како да ги користат на било која дистанца и теоретските основи. Отсекогаш сум верувал дека главната цел на секој татко е да всади побожност кај своите синови и да ги научи да го штитат своето семејство, народ и татковина. Ако сакате мир, подгответе се за војна, објави Кадиров на својот канал на Телеграм.

Акхмат, Ели и Адам се подготвени да ги искористат своите вештини и не се шегувам – време е да се покажат во вистинска борба, а тоа е нивната желба која ја поздравувам, напиша тој.

Наскоро ќе излезат на првата линија на фронтот, додаде Кадиров.

Тој ги повика оние кои тврдат дека неговото семејство не учествува во „специјална воена операција“ да го покажат својот дух, идеологија и кои се воопшто на бојното поле.

„Докажете дека сте барем малку мажи“, истакна тој.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.