Израелската војска денеска соопшти дека извршила обновени напади врз шиитската милиција Хезболах во јужен Либан, јави ДПА.

-Воздушните напади беа одговор на артилерискиот оган врз области во северен Израел, соопшти армијата.

Израелски борбени авиони потоа ги нападнаа набљудувачките пунктови на Хезболах во селата Марвахин и Аита ал Шааб. Команден центар во селото Јарун, каде што престојувале борците на Хезболах, бил бомбардиран, се вели во соопштението.

Погодена е и артилериска гаѓачка позиција од која претходно беше гаѓан Израел, соопшти израелската армија.

Либанските медиуми објавија дека израелски воени авиони истрелале проектили на области во предградието на Јарун и Аита ал Шааб. Нема повредени или загинати луѓе.

Во врска со гранатирањето на Израел, Хезболах изјави дека нападнал израелска воена база.

Од почетокот на војната во Газа по масакрот на Хамас во Израел на 7 октомври, постојано има конфронтации меѓу израелската армија и милитантните групи како Хезболах во израелско-либанскиот пограничен регион. Тоа е најсериозната ескалација од втората либанска војна во 2006 година



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.