Индија соопшти дека „недвосмислено ги осудува“ убиствата на цивили во Буча и ја поддржува иницијативата за покренување независна истрага за „длабоко вознемирувачките извештаи“.

Индиската осуда дадена за време на вчерашната седница на Советот за безбедност на ОН е најострата изјава на земјата за Украина и Русија од почетокот на војната, иако Индија досега се воздржуваше од гласање за резолуции во Советот за безбедност на ОН, Генералното собрание на ОН и Советот за човекови права на ОН.

Индија е земја со долга историја на неврзаност на меѓународната политичка сцена, но нејзините избалансирани дипломатски позиции се под притисок на западните земји кои сакаат државата да ја осуди ​​Русија.

Индија, кминатата недела беше критикувана од САД и Австралија за разгледување на рускиот предлог што тие сметаат дека е во спротивност со западните санкции против Русија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.