Во тешка сообраќајна несреќа што се случи синоќа на германскиот автопат во близина на чешката граница, повредени се 16 лица, од кои тројца потешко.

Полицијата соопшти дека камионот, кој во неделата вечерта се движел на север во правец на Дрезден на А17 во близина на германско-чешката граница, налетал на сообраќаен метеж без да сопре.

Ова доведе до верижен судир на 10 автомобили. Засега не е позната причината за несреќата, ниту пак размерот на штетата. Очевидци изјавија за локалните медиуми дека некои возила биле уништени до непрепознатливост.

Северните ленти на А17 јужно од Дрезден сè уште беа затворени утрово додека полицијата истражуваше.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.