Експлозии ја потресоа украинската престолнина Киев и други градови, а соседна Полска ја зголеми тревогата за авиони во раните утрински часови откако двете земји пријавија масовен руски ракетен напад.

Поради масовниот ракетен напад на Русија со крстосувачки и балистички ракети и со беспилотни летала врз цели лоцирани особено во западна Украина, полските и сојузничките авиони почнаа да оперираат во нашиот воздушен простор, објави на социјалната мрежа „Х“ оперативната команда на вооружените сили на Полска.

Во соопштението се додава дека „сите расположливи сили и ресурси се активирани, борбените авиони се ставени во готовност, а копнените средства за воздушна одбрана и радарски надзор се ставени на највисоко ниво на подготвеност“.

Експлозии одекнаа и во југоисточниот украински град Запорожје, а украинските воздухопловни сили прогласија воздушен тревога на целата територија на Украина, иако обемот на нападот останува нејасен. Градоначалникот на Одеса, град на Црното Море, Генадиј Труханов, пријави силни експлозии и додаде дека делови од градот се без струја.

Воздухопловните сили ги повикаа жителите да се засолнат во засолништа за бомби и посочија дека неодреден број проектили, вклучително и разни видови крстаречки ракети, летаат во украинскиот воздушен простор.

Украинските власти објавија дека како мерка на претпазливост ја исклучиле струјата во голем број региони, вклучувајќи го и Киев.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.