Граѓаните на Швајцарија треба да набават свеќи за своите домови за случај на повеќечасовни прекини во испораката на електрична енергија, ја пренесува весникот „Noe Züricher Zeitung” изјавата на Вернер Лугинбил, шефот на националниот енергетскиот регулатор (Елком).

Во Швајцарија веќе за на есен се подготвуваат за проблеми во електроснабдувањето, а на граѓаните им се порачува да бидат подготвени за прекини во испораката во зимските денови.

„Ве советувам да имате доволно свеќи во куќата. Кој има шпорет на дрва, треба да има доволно дрва”, рече тој, посочувајќи дека предупредувањата на „Елком” изминатите години не биле примани доволно сериозно.

Доколку дојде до недостиг од струја, швајцарските власти подготвија мерки, како што се намалување на уличното осветлување, исклучување на осветлувањето на излозите и осветлените реклами.

Се размислува и за воведување забрана за употреба на уреди за правење снег, како и за продажба на електрични греалки.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.