Руските тајни служби тврдат дека Наталија Вовк, која е осомничена за убиството на Дарја, имала помошници, пишува српски Телеграф

Руската ФСБ тврди дека убиството на новинарката и политиколог Дарја Дугина, од страна на Наталија Вовк, било планирано од друг вработен во украинската тајна служба, кој ја напуштил Русија ден пред убиството.

Во текот на истрагата е утврдено дека убиството на Дарја Дугина во Москва го планирала Наталија Вовк со уште еден член на украинската терористичка група, државјанин на Украина, Богдан Петрович Циганенко (44), кој во јули пристигнал во Русија преку Естонија и ја напушти Русија ден пред убиството – според ФСБ.

Наводно, Богдан Петрович ѝ дал на Наталија лажни регистарски таблички и документи на име Јулија Зајко, инаку државјанка на Казахстан, и дека ѝ помогнал на Наталија да состави импровизирана експлозивна направа во изнајмена гаража во југозападниот дел на Москва.

Со гледање на камерите за надзор е утврдено дека сторителот на злосторството, државјанката на Украина Наталија Павловна Вовк, лично ја гледала Дарија Дугина на паркингот за посетители на фестивалот – забележува службата.

Дарја Дугина беше убиена на 20 август, кога нејзиниот автомобил експлодира на автопат во Москва, веднаш по напуштањето на фестивал на кој присуствувала со нејзиниот татко.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.