Помал авион кој летал од Шпанија за Германија не успеал да слета и контролата на летот изгубила контакт со авионот, јавуваат медиумите.

Последен пат е виден во шведскиот воздушен простор.

Не е познато колку луѓе имало во леталото.

Според првичните информации, се работи за приватен авион од Австрија, кој полетал од Шпанија и требало да лета за Келн. Но, од непознати причини не слетал и продолжил да лета во правец на север.

– Германската и данската контрола на летови, веднаш непрестано се обидувале да воспостават контакт, но безуспешно – наведуваат шведските власти.

Според последните податоци, авионот забрзано почнал да ја губи висината.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.