Адмиралот Роб Бауер, претседател на Воениот комитет на НАТО, изјави дека Западот бил „премногу оптимист“ за текот на руската војна против Украина во 2023 година.

Бауер рече дека Западот верувал дека „ако им ги дадеме на Украинците муницијата и обуката што им се потребни, тие ќе победат“.

Сега, тој додаде дека „мора да внимаваме да не бидеме премногу песимисти во 2024 година“.

„Извонреден е самиот факт дека Украина сè уште е суверена држава и дека Украинците си вратија 50 отсто од она што Русите го зедоа во 2022 година“, додаде Бауер.

Блумберг претходно објави дека членките на НАТО сега приватно зборуваат за потенцијална руска агресија врз блокот како закана што бара итна реакција, бидејќи расте сомнежот дека САД ќе ја задржат својата традиционална улога да ја бранат Европа како дел од Алијансата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.