Младата бразилска манекенка, Валентина Боскардин, починала на 18-годишна возраст во Сао Паоло поради компликации од Ковид-19. Како што објавуваат бразилски медиуми, поради болеста, Валентина била хоспитализирана, но предизвиканата тромбоза била дефинитивна причина за таа да го загуби животот.
Веста за смртта на девојката ја потврдува нејзината мајка, Марсиа Боскардин, која е позната бразилска новинарка.
Со голема болка се простувам со љубовта на мојот живот. Збогум Валентина Боскардин Мендес. Бог нека те прими со раширени раце. Ќерко моја ќе те сакам засекогаш. Ти си ангел кој се искачува кон небото – објави Марсиа на социјалните мрежи.
View this post on Instagram
Според новнарката, нејзината ќерка немала претходни здравствени проблеми и примила две дози од вакцината на „Фајзер“, но тоа не спречило таа да мора да биде префрлена во болница и на крајот да ја загуби битката со болеста.
Бразил регистрира повеќе од 620.000 жртви на пандемијата, а сојузната држава Сао Паоло, каде почина младата манекенка, е најпогодената со 155.000 починати и речиси пет милиони заразени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.