Министерката за култура Бисера Костадиновска Стојчевска дојде пред Универзална сала, во која утрово изби пожар.

Таа последно најави „крунисување“ на Универзалната сала и најавуваше дека реконструкцијата на репрезентативниот објект во Скопје ќе биде завршена во 2027.

Имено, старата покривна купола требаше да се замени со нова во рамки на првата фаза од проектот за обнова на оваа културна институција. Тогаш Костадиновска Стојчевска рече дека избраниот изведувач веднаш ќе започне со внатрешната реконструкција,штом ќе заврпи надворешната.

Со ваква динамика за три години ќе биде завршена. Рокот што го постави владата е до 2027, но со оваа динамика може да биде завршена и нешто порано и да имаме целосно функционален објект, рече министерката.

Таа нагласи дека со замена на старата купола непречено се одвива првата фаза од реконструкцијата на Универзалната сала која ќе ја обликува надворешноста на зданието.

Градежни компании обвинуваат дека Министерството за култура бара чудни услови за избор на изведувач за реконструкција на Универзална сала



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.