ЈП Градски паркинг со години било претворено во партиски штаб на Демократски сојуз, од каде обезбедувале привилегии во вид на службени возила, телефони и простории за луѓе блиски до нив, велат од ВМРО-ДПМНЕ во реакцијата на прес-конференцојата на Демократскиот сојуз.

Демократскиот сојуз: Јакимовски е еден од најчесните и најдобрите менаџери, кој успешно го водеше „Градски паркинг“ 12 години

Според обвинувањата на опозициската партија, директори, министри, функционери и разни раководни кадри од власта со години паркирале бесплатно низ Скопје, со што користеле повластена позиција во однос на граѓаните кои плаќале паркинг и со свој џеб ги финансирале овие партиски кадри и функционери. Тие го повикуваат Борче Јакимовски,член на претседателството на ДС на Павле Трајанов, да каже дали со години од плаќање за паркинг ослободувал функционери на СДСМ и ДУИ.

ВМРО ДПМНЕ му дава рок од 24 часа на Демократски сојуз да одговори за бесплатниот паркинг на функционери или ќе објави кој го користел

Дали од плаќање паркинг биле ослободени возилата на шефот на кабинет на Димитар Ковачевски, Мартин Попов, поранешниот директор на водовод Душко Вескоски, генералниот секретар на СДСМ Миле Зечевиќ, па и поранешниот градоначалник на Аеродром Златко Марин, како и други функционери од СДСМ. Дали е ослободен од плаќање и Агим, зад чиешто име стои името на Артан Груби? Доколку поранешниот директор Борче Јакимовски, ДС и СДСМ молчат јавно ќе ги објавиме регистарските таблички на функционерите кои биле ослободени од плаќање на паркинг, а за нив плаќале граѓаните, велат од ВМРО-ДПМНЕ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.