Врховниот суд на Република Македонија наскоро ќе одлучува за прашањето за директна примена на Уставот и на Европската конвенција за заштита на човековите права.-Прашањето е во врска со членот 72 од Законот за Судскиот совет и недозволеноста за поднесување жалба или тужба од страна на судија и на претседател на суд против одлука на Судскиот совет во повторената постапката во која задолжително треба да се почитуваат  напатствијата на Советот за жалба при Врховниот суд, информираат од Врховниот суд.Според претседателката на Врховниот суд, Беса Адеми прашањето за директната примена на Уставот и на Конвенцијата за кое ќе расправа Општата седница е од големо значење од аспект на човековите и граѓанските права и има голема улога за унапредувањето на судската практика  преку примената на стандардите на Европскиот суд за човековите права.-Досега, Општата седница води плодна дискусија за ова прашање и тоа со присуство и придонес и на универзитетски професори. Целта е да се развие квалитетна дискусија со оглед на важноста на прашањето за судскиот и за правниот систем во државата, информираат од Врховниот суд.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.