Околу 4.000 метри квадратни трска и нискостеблеста вегетација била опожарена, покрај крајбрежјето на Охридското Езеро во близина на Струга.

СВР Охрид денеска информира дека на 9 април, во 1 часот и 30 минути случајот бил пријавен во ОВР Струга.

Покрај крајбрежието на Охридското Езеро, околу патеката која од Струга води кон селото Калишта, настанал пожар на државно земјиште со трска и нискостеблеста вегетација. Повредени лица нема, а интервенирала Територијалната противпожарна единица од Струга, изјави портпаролот Стефан Димоски.

Пред само десетина дена на овој потег беше регистриран и друг пожар, во кој била зафатена поголема површина со трски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.