ВМРО-ДПМНЕ излезе со реакција за дешната средба помеѓу Заев, Ковачевски и Ахмети.

Отаму прашувааt дали на ручекот се зборувало за исполнетите бенчмаркови при киднапирањето на државата од ДУИ и СДС, за сложената европска операција за делење на шамари при контрола на летови во М-НАВ што според оваа европска тројка би било опишано како за европско тепање, за корупциските скандали со европско знаменце во РЕК, за бизнисите на ЕВРОВИА, за милионите за Бехтел и Енка, за европската марихуана на струмичкото поле, за европскиот азил на Ден Дончев со полно туце пари, за непостоечките инвестиции, за пасошите за криминалци, за европските редици за вадење на лични документи за граѓаните и редица други “успеси“.

СДСМ потврдува дека Заев, Ковачевски и Ахмети ручале четири часа

Не се сомневаме дека биле разменети искуства од казината, лотариите, стекнувањето на Соравија, европските практики на Кацарска во судството, на Филипче во здравството, во енергетиката, модуларната болница, се во функција на европската интеграција. Колку повеќе ДУИ и СДС ја силуваат државата, толку погласно зборуваат за Европа.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.