Имаме информации кои создаваат сериозен сомнеж дека МВР, Спасовски и Ковачевски прикриваат убиство.

Три пати во тек на едно деноноќие властите менуваат изјави, и официјални известувања.КАРИЛ дава официјална изјава, дека станува збор за природна смрт на ракометарот Тот, за по реакциите на јавноста и зголеменото медиумско влијание да каже дека станува збор за смрт причинета од тепање, вели Миле Лефков од ВМРО-ДПМНЕ.

Ист е односот и од МВР и од Јавно обвинителство. Се менуваа изјави и гледишта.Денеска јавниот обвинител Бубевски потврдува дека сепак станува збор за убиство, причинето со претепување, вели пратеникот.

Со тоа што не се оградија ниту извинија за прикривање на јасно убиство нив ги прави првоповикани.Нашите информации говорат дека за убиството има најмалку десетина сведоци.Според нашите сознанија во најблиското опкружување имало полиција која не регистрирала убиство, туку природна смрт на млад човек.

Оттука одговорноста на МВР и Спасовски е уште поголема, бидејќи негови екипи биле директно присутни на терен.Наместо да спречи, или во најмала рака веднаш да го расчисти случајот, МВР на Спасовски пуштила да избега убиецот.Спасовски ја прикрива вистината за убиството, ако не излезе до крајот на денот и да ја каже вистината, јасно е дека крие.Бараме одговори и одговорност.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.