Со традиционален пригоден настан во Министерството за надворешни работи беше одбележан 27-ми Јануари – Меѓународниот ден во спомен на жртвите на Холокаустот.

 

На настан воведно обраќање имаа државниот секретар во Министерството за надворешни работи, Филип Тосевски, Амбасадорката на Државата Израел, Симона Франкел, амбасадорката на Република Хрватска во својство на претседавач со IHRA, Нивес Тигањ и заменик-претседателката на Еврејската заедница во Македонија, Радојка Хелман Денковска.

 

Во присуство на претставници на дипломатскиот кор, настанот се заокружи со панел дискусија на тема: Едукација на младите за Холокаустот, меѓу студенти и универзитетскиот професор, Мишо Докмановиќ и Маја Суша, од Институтот за духовно и културно наследство на Македонија.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.