-СДСМ во сабота ќе има партиска трибина во салата Борис Трајковски, а вечерва салата е под големо обезбедување со цел, и да стигне меил со закана за бомба, да кажат дека за нив има решение, има решение кога станува збор за нивна трибина, трибина на СДСМ, но не ги интересира државата. Следно прашање е дали не е злоупотреба што се ангажира полицијата толку за заштита на партиски настан, а не за државен објект како училишта и слично. Значи решение има само се употребува за партиски настани, изјави Александар Николоски, потпретседател на ВМРО-ДПМНЕ во синоќешното гостување во емисијата Вечерно шоу со Богдан Илиевски.

-Мое лично мислење е, не партиско, рече Николоски, дека намерно структури на власта ја стимулираат оваа тема.

-Бидејќи скапите странски експерти како оние од Израел имаат проценето дека секоја тема која не е економија, енергетика, корупција, на Владата ѝ одговара и дека треба да имаат теми за дефокус, рече Николоски.

-Доколку сметаме дека ова е еден вид на терористички акт, зошто закана за поставена бомба не може да биде друго, без разлика кој го прави тоа, тоа е закана и е тероризам, рече Николоски.

-Целта за дефокус може да ја постигнат ако има области каде се добри, но бидејќи нема, им се случува бумеранг ефект оти покажуваат колку се неспособни во сите сегменти, рече Николоски.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.