Претседателот на СДСМ и мандатар за состав на новата Влада, Димитар Ковачевски ги претстави кадровските решенија кои на негов предлог беа усвоени од страна на Централниот одбор на СДСМ на синоќешната седница.

Покрај докажани кадри од претходната Влада, речиси 70 отсто од министрите од редовите на СДСМ се нови, компетентни лица, подготвени да ја преземат одговорноста во соодветните ресори, велат од СДСМ.

Од СДСМ ги претставуваат новите предлозжени министри:

За вицепремиер за борба против корупцијата и криминал, одржлив развој и човечки ресурси, предложена е Славица Грковска, поранешна пратеничка на СДСМ, магистер по математички науки и поранешен асистент на Природно математичкиот факултет.

За министерка за одбрана, Славјанка Петровска, пратеничка на СДСМ, поранешна заменик-министерка за внатрешни работи во техничката влада, со големо искуство во областа на безбедноста.

За министер за правда, Никола Тупанчевски, познат и признат професор на Правниот факултет, еден од водечките професори по Казнено право.

За министерка за труд и социјална политика, Јована Тренчевска, магистар по социолошки науки, учесничка во повеќе меѓународни тела поддржани од УНДП, UNWOMEN, која има повеќе објавени трудови, се уште актуелна директорка на Државниот инспекторат за труд.

За министерка за култура, Бисера Костадиновска-Стојчевска, актуелна пратеничка на СДСМ, доктор на науки, професорка на Педагошки факултет на Универзитетот Свети Климент Охридски во Битола.

Ова се имињата кои внесуваат нова свежина, нова енергија во дејствувањето на новата Влада која во следниот период ќе работи посветено, ефикасно и одговорно во реализација на Програмата која треба да обезбеди надминување на предизвиците, засилен економски раст и подигнување на животниот стандард на сите граѓани, велат од СДСМ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.