Во сите 117 избирачки места во Општина Тетово започна гласањето во 7 часот и се одвива без проблеми во текот на првиот час, информираат од Општинската изборна комисија (ОИК) Тетово.

Избирачките одбори не информираа дека во сите избирачки места е започнато гласањето и се одвива во најдобар ред. Нема поголеми проблеми со фингерпринт апаратите, освен на поедини места каде имале некои технички потешкотии кои брзо се надминуваат а пример се однесуваат на поврзување со печатач и слично, информира Назми Даути, секретар на ОИК Тетово.

Право на глас во Општина Тетово имаат 85.484 граѓани. Дел од нив своето право на глас го оствариле вчера, од кои 36 заведени како болни и немоќни и седум лица во изолација поради Ковид-19.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.