Шефот на дипломатијата Бујар Османи денеска во Подгорица ќе учествува на Министерскиот состанок „САД – Јадранската повелба“ (А5), што претставува и завршна активност во рамки на црногорското претседавање со Повелбата.

Како што соопшти МНР, на состанокот е предвидено да се дискутира за стабилноста на регионот во контекст на актуелната безбедносна состојба, влијанието и последиците од руската агресија врз Украина и начините за нивно надминување.

На состанокот во Подгорица, официјачно земјава ќе го преземе претседавањето со форматот САД – Јадранска повелба.

– Нашата земја со Повелбата ќе претседава наредната година, кога се одбележува и 20- годишнината од основањето на оваа регионална организација, наведуваат од МНР. 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.