Никогаш како човек не сум ги политизирал овие работи, бидејќи сепак станува збор за човечки судбини и мака која семејствата ја доживуваат, но не можам исто така како човек да не ве потсетам за оние кампањи кои во минатото ги правеше СДСМ, рече лидерот на ВМРО-ДПМНЕ, Христијан Мицкоски одговарајќи на прашање во врска со случувањата на Онкологија за време на посетата на населено место Градец, Виница.

„Се сеќавате на случајот со малата Тамара, се сеќавате на случаевите со оние клупи кои требаше да симболизираат загубени човечки животи и кои беа оставани пред вратите на градоначалниците од редовите на ВМРО-ДПМНЕ, се сеќавате на протестите на Шарената револуција која ги злоупотребуваше човечките животи за да добијат ситни мали поенчиња“, кажа Мицкоски.

Мицкоски и додаде „но морам да потенцирам дека јас не сум виновен што директорот од Онкологија ќе го видите на слики во партиски штабови на СДСМ како држи обука или оној економски директор од ДУИ како е прегрнат со раководството на ДУИ“.

„Тоа се факти кои ги гледа цела јавност и има факти на кои не можеме да останеме неми и да не ги кажеме“, кажа Мицкоски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.