Лидерот на ВМРО-ДПМНЕ, Христијан Мицкоски, инсистира на средба лице в лице со премиерот Димитар Ковачевски, без да ги вклучи останатите тимови и лидери. Шефот на македонската опозиција инсистира на средбата да се разговара за чекорите што треба да се преземат по неуспехот на уставните измени. Мицкоски во емисијата 360 степени во Алсат изразил убедување дека мнозинството ги нема бројките за уставни измени и затоа мора да се разговара што понатаму.

Од СДСМ велат дека Мицкоски е блиску до две решенија: да ги поддржи евроинтеграциите или да го продолжи патот на изолација што го направи неговиот претходник Никола Груевски.

Во однос на барањата на албанските партии, со исклучок на ДУИ, од СДСМ оценуваат дека сега не е време да се зборува за бришење на 20 отсто од Уставот, а од ВМРО-ДПМНЕ не учествуваат во процесот. Пред неколку дена првиот човек на Алијанса за Албанците, Арбен Таравари, изјави дека ќе се направи се за да се укине оваа дефиниција за албанскиот јазик, а Движењето Беса, Алтернатива и пратениците од фракцијата на ДУИ изјавија дека не ги поддржуваат уставните измени, доколку не се вклучи отстранувањето на 20% што се однесува на албанскиот како официјален јазик.

Извор: Алсат


Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.