Секој ден оваа Влада предводена од СДСМ и ДУИ има по некоја афера и скандал, јас набројав само неколку денеска на прес конференција“, изјави потпретседателот на ВМРО-ДПМНЕ, Владо Мисајловски, при гостување во емисијата „Што не е јасно“ на телевизија Алфа.

Како прв скандал, Мисајловски го посочи настанот на кој премиерот Димитар Ковачевски беше прашан како ќе продолжат во иднина и кога лидерот на ДУИ Али Ахмети му сугерираше како до сега.

Веројатно со тоа мислеа како до сега со корупцијата, тоа е власт на корупција. Но, тоа е срам за власта, ама и за државата. Се издадоа еден куп пасоши, државјанства на белосветски криминалци. И тој што издаде поранешниот директор на АНБ веројатно ќе добие награда амбасадорско место, а тој што потпишал е унапреден во директор на АНБ и сето тоа наместо одговорност. Потоа беше скандалот Тајни имоти каде видовме дека еден куп функционери имаат непријавен имот, потоа секој ден сведочиме на нивната неспособност и пријави на бомби во училишта секој ден“, посочи Мисајловски.

Потпретседателот на ВМРО-ДПМНЕ заклучи дека нивното незнаење се чувствува во сите области.

Значи многу потфрлија на безбедносен план, поранешните генерални секретари на Владата се на обвинителна клупа. Но, сите кои се вмешани во криминали не одговараат. Се надевам дека скоро ќе има предвремени избори и се ќе се прекине“, кажа Мисајловски.

Тој повтори дека Македонија има нелегитимен премиер, нема одговорност во политиката, ниту пред граѓаните, ниту членството го прифаќа, затоа е важно да излезете на избори.

Ковачевски не бил ни во потесно раководство на СДСМ, нема обврска ни кон граѓаните бидејќи не излегол на избори“, посочи Мисајловски додавајќи дека Ковачевски се покажал неспособен за клучните државни прашања.

Според Мисајловски, СДСМ е во постојан пад и немаат начин да направат кревање на партијата, можеби пробуваат со оцрнување на актуелното раководство на ВМРО-ДПМНЕ, како Христијан Мицкоски.

Мицкоски е еден од најнапаѓаните претседатели, но ние имаме најголемо предимство и СДСМ знае дека ќе има промена на власта“, изјави Мисајловски.

Тој се осврна и на фактот што партиите на Албанците како Беса, Алијанса за Албанците поминаа во оваа Влада на СДСМ и ДУИ и видоа дека со нив не може да се функционира.

Сега за уставните измени и Касами рече дека нема да гласаат. За уставни измени најлегитимно е да се побара доверба од граѓаните и тие требаше уште на претходните избори да го објаснат тоа, а не вака целиот народ да биде огорчен. Уставни измени нема да има бидејќи немаат мнозинство, имаат и проблем внатре во пратеничката група на СДСМ, а и во помалите коалициски партии кои јасно кажаа дека нема да гласаат“, посочи Мисајловски.

Во врска со изјавите на Ковачевски дека не подлегнувал на закани и уцени за предвремени избори, Мисајловски истакна дека барањата од народот не може да бидат закани, туку легитимно право за подобар живот, подобри мерки, излез од кризата.

Кога беше францускиот предлог многу луѓе излегоа на улиците и се уште се против, затоа што тој беше со бугарски диктат. Закана и уцена не е што ти бара народот, тоа е легитимно право. На секоја опозициска партија прва задача и е како да стигне до предвремени и избори. Закани и уцени ли се што има протести од студентите, од земјоделците, од работниците? И тоа ли се закани и уцени? Од нивната неспособност произлегува сето ова. Да имате добри мерки, добра економија, да имате добро справување со кризата, да имате добар систем, здравство, нема да дојде до ова“, вели Мисајловски.

Тој посочи дека закани чувствува народот кој секојдневно добива закани за бомби, се чувствува понебезбедно секој ден, а ниту владата, а уште помалку Пендаровски преземаат нешто да се справат со ситуацијата.

Затоа што не му се безбедни школите, не се безбедни ни приватни згради, има дојави за бомби, а народот не верува дека овие може да се справат со било каква работа. Пендаровски во обраќањето во Собрание не кажа како прв човек одговорен за безбедноста како ќе се справи државата со безбедносните ризици и не кажа како ќе биде подобро. Но пробува да се додвори до СДСМ и ДУИ за утре да може да биде кандидат за претседател. Сите овие личности се во иста каша. Разочаран бил од корупција, судство, ама не мрда со прст“, рече Мисајловски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.