Политичката партија Движење ЗНАМ – За Наша Македонија денеска во Куманово одржа основачко собрание. На собранието, како што соопшти партијата, присуствуваа поддржувачи од целата држава. За претседател е избран Максим Димитриевски, а за дел од работното Претседателство се именувани Катерина Тодороска и Емил Јанески.

Димитриевски е избран на предлог на Жанета Делова, претседателка на Здружението „Тиквешка заедница за напредок и просперитет”.

За членови на Извршниот одбор се назначени генерал Павле Арсоски, Жанета Делова и Игор Филков, за членови на Надзорниот одбор Ристо Николовски од Прилеп, Марјан Петковски од Куманово и Урош Милошевски од Скопје.

Мотото на партијата е „Македонија се буди! Време е за промени!“



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.