Нашиот амбасадор таму е со екипата и како се активираат алармите за воздушни напади, дадов инструкција да ја напуштат земјата и да одат во соседните држави, кажа министерот за надворешни работи Бујар Османи вечерва во емисијата „24 анализа“ зборувајќи за македонскиот дипломат во Украина.

-Тој моментално е во скривница. Имаме неколку граѓани во други градови во Украина и сега е потешко, нема комерцијални летови. Тие со кои имаме комуникација се безбедни, им доставувме патни исправи, но нема начин како да ја напуштат земјата. Немаме информации дека некој е повреден. Мапиравме 100 граѓани таму, од кои некои се семејства на наши државјани, а 30 се во специјалната мониторинг мисија на ОБСЕ и тие се под аранжман на генералниот секретаријат на ОБСЕ, 12 ја информираа амбасадата дека ја напуштаат земјата. Ако има позитивен момент во ова е дека сме членка на НАТО. Одлуките ги носиме врз база на времени квалитетни информации. Целосно сме вклучени во сите тела и ја нудиме и нашата контрибуција, рече Османи.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.