Со анекс на Спогодбата за соработка помеѓу Македонија и Франција која се однесува на средните училишта со франкофонски двојазични паралелки ќе се унапредува квалитетот на билингвалната настава која долги години е застапена во повеќе средни училишта во државава.

Документот со кој се прецизираат одредбите од спогодбата, а со цел подобро функционирање и одржливост на овие паралелки, го потпишаа министерот за образование и наука Јетон Шаќири и францускиот амбасадор Сирил Бомгартнер. Двајцата изразија задоволство што се продлабочуваат соработката и заложбите за поврзување на културите и јазиците на двете страни.

Пред неколку месеци тие потпишаа и меморандум кој предвидува активности за поттикнување на изборот на францускиот јазик во основните и средните училишта, изработка на алатки за промоција на францускиот јазик и организација на настани наменети за раководните и педагошки тимови во училиштата, како и зајакнување на наставата по француски јазик во основните и средните училишта преку обезбедување на модерни технолошки помагала, организација на педагошки обуки во Франција, вмрежување на училишта од Франција, Македонија и регионот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.