Премиерот Димитар Ковачевски денеска на прес-конференција во Владата ќе го промовира деветтиот пакет антикризни мерки, наменети за најранливите категории граѓани.

Со мерките, како што најави вчера вицепремиерот за економски прашања Фатмир Битиќи, ќе бидат опфатени над 400 000 граѓани, – пензионери, ученици, студенти, самохрани родители.

Средствата од солидарниот данок ќе бидат искористени за антикризни мерки што очекуваме утре да бидат на седница на Владата и се насочени најранливите категории граѓани, тука спаѓа најголемата група граѓани, пензионерите, кои ќе добијат одреден надомест неколку месеци, како и ученици, студенти, самохрани родители, итн. Буквално, најранливите категории.Опфатот ќе биде навистина голем, над 400 илјади граѓани ќе бидат опфатени со мерките, за тоа се користат средствата од солидарниот данок, рече вчера Битиќи, на новинарско прашање.

Претходно, премиерот Ковачевски соопшти дека до крајот на годинава во Буџетот се предвидени 75 милиони евра за антикризни мерки, а за идната година дополнителни 55 милиони евра пред се за продолжување на субвенционирањето на цената на електрична енергија.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.